訂閱
上一篇
返回
下一篇
永遠的記持～寫給KINO牧師／東俊卿
作者: 東門教會 日期: 2026-08-29 11:03
KINO牧師是至寶，上帝差派傳正道，
聖經真理用心學，勤讀捷寫人呵咾。
台頂講道話清楚，台跤解經誠親和，
進退站節逐項好，族民信仰有倚靠。
上帝創造天佮地，伊甸樂園賜祖家，
亞當夏娃無守禮，受主責罰降落底。
人類罪性像火把，行踏歪斜毋知退，
十條誡命理短短，若無誠心守袂會。
台東東河阿美族，KINO出世佇部落，
基隆八斗仔受教育，聖神做工捌基督。
歡喜受召行天路，勤讀經書滿腹肚，
畢業台神研究所，虔心備辦牧會途。
都市原民像湳塗，認捌耶穌是少數，
官府政策失照顧，都市原民誠艱苦。
聖神異象來交託，KINO牧師自約束，
族語禮拜破記錄，原民文化受注目。
傳播福音做忠僕，原民教堂捷開拓，
推捒母語勤監督，公平正義得快樂。
牧師福音四界報，尤瑪師母有功勞，
惦惦背後做功課，仰望信靠常祈禱。
牧養羊群無失落，盡程榮退願主惜，
KINO牧師是璇石，會友效念永袂歇。
聖經真理用心學，勤讀捷寫人呵咾。
台頂講道話清楚，台跤解經誠親和，
進退站節逐項好，族民信仰有倚靠。
上帝創造天佮地，伊甸樂園賜祖家，
亞當夏娃無守禮，受主責罰降落底。
人類罪性像火把，行踏歪斜毋知退，
十條誡命理短短，若無誠心守袂會。
台東東河阿美族，KINO出世佇部落，
基隆八斗仔受教育，聖神做工捌基督。
歡喜受召行天路，勤讀經書滿腹肚，
畢業台神研究所，虔心備辦牧會途。
都市原民像湳塗，認捌耶穌是少數，
官府政策失照顧，都市原民誠艱苦。
聖神異象來交託，KINO牧師自約束，
族語禮拜破記錄，原民文化受注目。
傳播福音做忠僕，原民教堂捷開拓，
推捒母語勤監督，公平正義得快樂。
牧師福音四界報，尤瑪師母有功勞，
惦惦背後做功課，仰望信靠常祈禱。
牧養羊群無失落，盡程榮退願主惜，
KINO牧師是璇石，會友效念永袂歇。
2026/8/20寫於台北東門教會
評論: 0 |
引用: 0 |
閱讀: 32
